Aqmola oblysynda sport mektebindegi órtten 15 bala evakýatsııalandy

<p>KÓKShETAÝ. KAZINFORM &ndash; Aqmola oblysynda balalar men jasóspirimderdiń sport mektebindegi órtten 15 bala evakýatsııalandy.</p>

Aqmola oblysy TJD baspasóz qyzmetiniń málimetinshe, órt Stepnıak qalasyndaǵy balalar men jasóspirimderdiń sport mektebinde bolǵan.

«Órt elektr symdarynyń qysqa tuıyqtalýynan shyqty. Ǵımaratta bolǵan 15 bala evakýatsııalandy. Qyzyl jalyn 3 sharshy metr aýmaqty sharpydy. Arada otyz mınýt ótkende órt oqshaýlanyp, tolyǵymen sóndirildi», - dep túsindirdi vedomstvodan.

Aıta ketsek, budan buryn Kókshetaýdaǵy saýda úıindegi órtten 50-den astam adam evakýatsııalanǵanyn jazǵan edik.

Osy rette, TJD qyzmetkerleri tótenshe jaǵdaı týyndaǵan jaǵdaıda «101 jáne «112» jedel jelisine qońyraý shalý qajettigin eske salady.