Aqmola oblysynda shomylý maýsymy bastalǵaly tórt bala sýǵa ketti

<p>KÓKShETAÝ. KAZINFORM &ndash; Aqmola oblysynda shomylý maýsymy bastalǵannan beri tórt bala sýǵa batyp ketti. Tártip saqshylary ata-analardy balalarǵa baqylaýdy kúsheıtýge jáne qaraýsyz qaldyrmaýǵa shaqyrady.</p>

Aqmola oblysy PD baspasóz qyzmetiniń málimetinshe, jaz bastalǵaly óńirde balalardyń sýǵa ketý jaǵdaıy jıilegen.

«Shomylý maýsymy bastalǵannan beri óńirde tórt bala sýǵa batyp ketti. Qaıǵyly jaǵdaı Tselınograd, Jaqsy, Sandyqtaý aýdandarynyń jáne Bestóbe kentiniń aýmaǵyndaǵy sý aıdyndarynda boldy», - dedi vedomstvodan.

Osy rette, tártip saqshylary ata-analardan jazǵy kezeńde balalardyń bos ýaqytyn baqylaýdy kúsheıtýdi jáne olardy qaraýsyz qaldyrmaýdy suraıdy. Sondaı – aq, sýǵa shomylý kezinde qaýipsizdik erejelerin saqtaýǵa shaqyrady.

Vedomstvodan atap ótkendeı, QR Ákimshilik quqyq buzýshylyq týraly kodeksiniń 364-babynyń 1-bóligine sáıkes tyıym salynǵan jerlerde shomylǵan balalardyń zańdy ókilderi «eskertý» túrinde ákimshilik jaýapqa tartylady. Al, ákimshilik jaza qoldanylǵannan keıin bir jyl ishinde qaıtalap buzsa onda 2 aılyq eseptik kórsetkish mólsherinde aıyppul salynady.

Aıta ketsek, budan buryn Aqmola oblysynda qaıyǵy aýdarylyp qalǵan balyqshy qutqarylǵanyn jazǵan edik.