Aqmolada shendiler bolmaǵan tótenshe jaǵdaıdyń saldaryn joıýǵa qarjy jumsamaq bolǵan

<p>KÓKShETAÝ. KAZINFORM - Aqmola oblysynda prokýrorlar bolmaǵan tótenshe jaǵdaılardyń saldaryn joıý boıynsha zańsyz jasasqan sharttardy anyqtady.</p>

Aqmola oblysy prokýratýrasy baspasóz qyzmetiniń málimetinshe, Birjan sal aýdanynyń prokýratýrasy memlekettik satyp alý salasyndaǵy zańdylyqtyń saqtalýyna taldaý júrgizý barysynda jergilikti atqarýshy organ 3 mln teńgeden astam somaǵa qyzmettik avtokólikter men ǵımarattarǵa jóndeý jumystaryn júrgizýge, konkýrs ótkizbeı, bir kózden memlekettik satyp alý týraly 3 shart jasaǵanyn anyqtady. 

«Konkýrs ótkizbeý sebebi retinde tótenshe jaǵdaı saldaryn joıý qajettiligin kórsetken. Alaıda, prokýrorlar anyqtaǵandaı, Birjan sal aýdanynyń aýmaǵynda tótenshe jaǵdaılar jarııalanbaǵan, ıaǵnı memlekettik satyp alý týraly sharttar negizsiz jasalǵan. Prokýrorlyq qadaǵalaý aktisin qaraý nátıjesinde laýazymdy tulǵa aıyppul túrinde ákimshilik jaýapqa tartyldy», — dedi vedomstvodan.

Aıta ketsek, budan buryn Aqmola oblysynda ákimniń orynbasary prokýrordyń talaptaryn oryndamaǵany úshin ákimshilik jazaǵa tartylǵanyn jazǵan edik.