Aqmola oblysynyń shalǵaı aýdanynda kúrdeli ota sátti jasaldy

<p>KÓKShETAÝ. KAZINFORM - Aqmola oblysynyń Jaqsy aýdandyq aýrýhanasynyń dárigerleri Ilızarov apparatynyń kómegimen 38 jastaǵy naýqastyń sol aıaǵynyń asyqty jiliginiń ashyq kópjaryly synyǵyna ota jasady.</p>

Aqmola oblysy denesaýlyq saqtaý basqarmasy baspasóz qyzmetiniń málimetinshe, naýqas aıaǵyn abaısyzda, baspaldaqtan qulap syndyryp alǵan. Bir jarym saǵatqa sozylǵany otany jergilikti aýrýhananyń eki hırýrgi - hırýrgııa bóliminiń meńgerýshisi Amanjol Nurmuhametov jáne emdeý isi jónindegi bas dárigerdiń orynbasary Janaıdar Qajdenbekov júrgizdi.

«Ilızarov apparaty arqyly jasalatyn súıek dıstraktsııalyq osteosıntez otasy uzyn tútik tárizdi súıekterdiń ashyq synýyn emdeýdegi álemdik standarty bolyp tabylady. Bul ádis naýqastyń otadan keıingi kúni-aq belsendilik tanytyp, ota jasalǵan aıaqqa turýyna múmkindik beredi, uzaq tósek tartyp jatýdyń aldyn alady», - dep túsindirdi hırýrg Amanjol Nurmuhametov.

Foto: Densaýlyq saqtaý basqarmasy

Jalpy, Jaqsy aýdandyq aýrýhanasynyń hırýrgııa bóliminde ekstramedýlıarlyq osteosıntez, ót joly tastaryna, jaryqtarǵa jáne gemorroıdektomııaǵa qatysty kúrdeli otalar da jasalady. Sonymen birge, táýlik boıy shuǵyl hırýrgııalyq jáne gınekologııalyq kómek kórsetiledi.

«Biz hırýrgııalyq bazamyzdy belsendi túrde damytyp jatyrmyz jáne aldaǵy ýaqytta jańa ıntramedýlıarlyq osteosıntez ádisin engizýdi josparlap otyrmyz. Ol úshin qajetti qural-jabdyqtar men materıaldar satyp alyp jatyrmyz», - dep tolyqtyrdy hırýrg.

Sońǵy eki aıda Jaqsy aýdandyq aýrýhanasynyń hırýrgııa bóliminde dárigerler 50-den astam ota jasady. Bul jergilikti medıtsına qyzmetkerleriniń joǵary biliktiligi men tájirıbesiniń joǵary ekenin kórsetedi.

Aıta ketsek, budan buryn «Oqjetpes» emdeý-saýyqtyrý kesheninde qyzmet aıasy keńeıip kele jatqandyǵyn jazǵan edik.