Aqmola oblysynda salyq organdary 65 kásipkerdiń jumysyna kedergi keltirgen

<p>Aqmola oblysynyń prokýratýrasy memlekettik kirister departamentiniń jumysyn tekserý barysynda salyq organdary kásipkerlerdiń banktik shottaryna zańsyz shekteý qoıǵandyǵyn anyqtady, dep habarlaıdy Kazinform.</p>

Óńir prokýratýrasy baspasóz qyzmetiniń málimetinshe, kásipkerlerge qatysty salyq organynyń kameraldyq baqylaýy kezinde zań buzýshylyqtarǵa jol berilgen jáne onyń qorytyndysy boıynsha jalpy somasy 71 mln teńge bolatyn habarlamalar zańsyz jiberilgen.

Salyq organy salyq kodeksiniń 96-babynyń erejelerine qaramastan (2022 jyly jaǵdaı boıynsha qoldanysta bolǵan) kásipkerlerge táýekeldiń ortasha dárejesindegi zań buzýshylyqtar boıynsha habarhatynyń ornyna habarlamalar jibergen, sondaı-aq kameraldyq baqylaý bekitilgen rásimdersiz júrgizildi (№453 buıryqtyń talaptary).

Bul óz kezeginde kásipkerlerge qosymsha deklaratsııa tapsyrýǵa mindettedi, olardyń quqyqtary shekteldi jáne jumystaryna kedergi ákeldi.

- 2022-2023 jyldary banktik shottar boıynsha shyǵys operatsııalaryn toqtata turý týraly 65 zańsyz sheshim shyǵarylǵan. Prokýratýra aktisi boıynsha bul sheshimderdiń kúshi joıyldy, 65 kásipkerdiń quqyqtary qorǵaldy, kináli qyzmetkerler jaýapqa tartyldy, onyń ishinde kásipkerlik qyzmetke zańsyz aralasqany úshin ákimshilik jazaǵa tartyldy, - dedi prokýratýranyń baspasóz qyzmetinen.

Aıta ketsek, budan buryn Aqmola oblysynda ıesi kútim jasamaǵan 37 sý qoımasy memleketke qaıtarylǵanyn jazǵan edik.