Aqmola oblysynda referendým qalaı ótip jatyr

<p>KÓKShETAÝ. KAZINFORM &ndash; Aqmola oblysynda daýys berý qyzý júrip jatyr. Daýys berý protsesine 10 qoǵamdyq birlestik jáne kommertsııalyq uıym ókilderi baıqaýshy retinde qatysýda.</p>

Aqmola oblystyq referendým komıssııasynyń málimetinshe, oblys boıynsha barlyǵy 765 referendým ýchaskesi bar, onyń 705-i azamattardy tirkeý orny boıynsha, 60-y – ýaqytsha bolý oryndarynda.

«Barlyǵy 786 referendým komıssııasy jumys istep jatyr, onyń ishinde Aqmola oblysynyń aýmaqtyq referendým komıssııasy bar. Onyń 20-sy qalalar men aýdandardyń aýmaqtyq referendým komıssııasy bolsa, 765-i ýchaskelik referendým komıssııasy. Ondaǵy komıssııa múshesiniń sany 4 540 adamdy quraıdy, onyń 147-si aýmaqtyq referendým komıssııasynyń jáne 4 393-i ýchaskelik referendým komıssııasynyń músheleri. Al, oblys boıynsha daýys berýshiler sany 513 254 adam», - dedi Aqmola oblystyq referendým komıssııasynan.

Foto: Aslan Ospanov

Buǵan qosa, 2024 jylǵy qazannyń 5-inde Aqmola oblysynyń referendým komıssııasyna daýys berýge baıqaýshy retinde 10 qoǵamdyq birlestik jáne kommertsııalyq uıym tirkeldi. 

«Daýys berý zań buzýshylyqsyz ótip jatyr. Aýyl turǵyndary daýys berýde belsendi. Jastar, erli-zaıyptylar, qarttar da saıası naýqannan qalys qalmaýda», - dedi Esil aýdanynyń Janyspaı aýylyndaǵy № 434 ýchaskedegi «Daýys qoǵamdyq baıqaýshylar koalıtsııasy» respýblıkalyq qoǵamdyq birlestiginiń baıqaýshysy Sáttigúl Áýken. 

Aıta ketsek, budan buryn el boıynsha 10 249 referendým ýchaskesinde daýys berý bastalǵanyn jazǵan edik.