Aqmola oblysynda prokýratýranyń aralasýynan keıin 92 jumysshynyń eńbekaqysy tólendi

<p>KÓKShETAÝ. KAZINFORM - Aqmola oblysynda prokýratýra qabyldaǵan sharalardyń nátıjesinde 92 jumysshynyń eńbekaqy boıynsha bereshegi óteldi.</p>

Aqmola oblysy prokýratýrasy baspasóz qyzmetiniń málimetinshe, Astrahan aýdanynyń prokýratýrasy júrgizgen tekseris barysynda jergilikti memlekettik mekemede 92 qyzmetker aldynda jalpy somasy 5,2 mln teńgege eńbekaqy boıynsha bereshek qalyptasqany anyqtaldy. Buǵan qosa, 31 jumysshyǵa 3,3 mln teńge kóleminde eńbek demalysy úshin tólem jasalmaǵany belgili boldy.

«Qadaǵalaý aqtisi boıynsha qaryz tolyq kólemde óteldi. Memlekettik mekemeniń basshysy jáne ákimniń orynbasary jaýapqa tartyldy. Osylaısha, atalǵan azamattardyń konstıtýtsııalyq quqyǵy qorǵaldy», - dedi vedomstvodan.

Aıta ketsek, budan buryn prokýratýranyń aralasýynan keıin 300-den astam şýchelik tutynýshynyń quqyǵy qorǵalǵanyn jazǵan edik.