Aqmola oblysynda poıyz er adamdy qaǵyp ketti

<p>ASTANA. KAZINFORM &mdash; 8 qarasha kúni Aqmola oblysynyń Makınka stantsııasynda poıyz er adamdy qaǵyp ketti. Bul týraly QTJ baspasóz qyzmeti habarlaıdy.</p>

«8 qarasha kúni tańerteńgi 8:45-te Makınka stantsııasynda poıyz temir jol ústinde adam bolýyna baılanysty shuǵyl túrde toqtaýǵa (tejegishti basýǵa) májbúr boldy. Mashınıst dabyldy bassa da, qulaqqap taqqan ári kúlápara búrkengen er adam ony estimegen. Ara qashyqtyqtyń qysqa bolýyna baılanysty soqqynyń aldyn alý múmkin bolmady», — delingen habarlamada.

Qazirgi kezde atalǵan oqıǵaǵa qatysty tergeý júrgizilip jatyr. 

QTJ temirjolda júrginshi adamdardyń jaraqat alýy jáne japa shegýi kóp jaǵdaıda olardyń belgilenbegen jerden óter kezde jan-jaǵyna muqııat qaramaýynan bolatynyn málimdeıdi. 

Temirjol relsiniń ústimen júrýge, temirjol mańyna masań kúıde jaqyndaýǵa, qulaqqappen júrýge, sondaı-aq toqtap turǵan poıyz quramynyń astynan ótýge tyıym salynǵan. 

Aıta keteıik, jýyrda ǵana Aqmola oblysynda júk tasymaldaıtyn poıyzǵa jeńil kólik soqtyǵysqan bolatyn.