Aqmola oblysynda ótken jyly 29 órt tirkelip, 10 adam qaza bolǵan — prokýratýra

<p>ASTANA. KAZINFORM — Aqmola oblysynda 2024 jyly 29 órt tirkelip, 10 adam qaza tapty, 46 adam aýyr jaraqat aldy, dep habarlaıdy Aqmola oblystyq prokýratýrasynyń baspasóz qyzmeti.</p>

Mysaly, Býrabaı aýdanynda bıyl 6 oqıǵa tirkelip, olardyń saldarynan 5 adam qaza taýyp, 1 adam jaraqat aldy. Ýly gazdan ýlaný saldarynan 3 adam qaza boldy.

Osyǵan baılanysty, Býrabaı aýdany prokýratýrasy aýdannyń Tótenshe jaǵdaılar bólimimen birlesip, peshpen jylytylatyn jeke turǵyn úılerdiń turǵyndarymen órttiń aldyn alý boıynsha profılaktıkalyq is-sharalar ótkizdi.

Іs-shara barysynda tútin men ýly gazdy ýaqytyly anyqtaý jáne oǵan jedel áreketetýge arnalǵan kómirqyshqyl gazynyń detektorlary ornatyldy.

Sonymen qatar, Tselınograd aýdanynda gaz-aýa qospasynan jarylysy bolyp, 3 adam jaraqat aldy. Shortandy aýdanynda gaz ballonynyń jarylýy saldarynan 3 adam mert bolyp, 10 adam jaraqat aldy. Sol sııaqty, Qorǵaljyn aýdanynda gaz ballonynyń jarylýynan 3 adam qaza bolyp, 16 adam jaraqat aldy.

— Qurmetti azamattar, órt qaýipsizdigi sharalaryn qatań saqtaýlaryńyzdy suraımyz. Ózińizdi jáne jaqyndaryńyzdy qorǵańyz. Tótenshe jaǵdaı týyndaǵan jaǵdaıda, dereý 101 nemese 112 nómirine habarlasyńyz! — delingen baspasóz-baıanynda.

Osyǵan deıin Kókshetaýda eki qabatty oblystyq kitaphana órtengenin jazdyq.