Aqmola oblysynda órtke qarsy jumystardy oryndamaǵan sheneýnikter jazaǵa tartyldy
18:38, 07 Tamyz 2024
<p>KÓKShETAÝ. KAZINFORM – Aqmola oblysynda órtke qarsy sharalardy tıisti deńgeıde oryndamaǵan 5 laýazymdy tulǵa ákimshilik jaýapqa tartyldy. </p>
Aqmola oblysy TJD baspasóz qyzmetiniń málimetinshe, óńirde orman alqaptary boıyndaǵy mıneraldanǵan jolaqtardy ornatý jáne kútý boıynsha jumystardyń oryndalý barysyna tekseris júrgizildi.
«Reıdtik is-sharalardyń qorytyndysy boıynsha Aqmola oblystyq orman sharýashylyǵy jáne janýarlar dúnıesi aýmaqtyq ınspektsııasynyń atyna aqparattyq hattar engizildi. Orman sharýashylyǵy mekemeleriniń 5 laýazymdy tulǵasy ákimshilik jazaǵa tartyldy», - dedi vedomstvodan.
Eske sala ketsek, órt qaýipsizdigi erejelerin buzǵan 40-qa jýyq aqmolalyq jaýapqa tartylǵan bolatyn.
Al, budan buryn Aqmola oblysynyń orman órti qaýpi bar maýsymǵa daıyndyǵy máz emestigin jazǵan edik.