Aqmola oblysynda órtengen úıden er adamnyń denesi tabyldy

<p>KÓKShETAÝ. KAZINFORM - Aqmola oblysynyń Aqkól aýdanynda turǵyn úı órtenip,&nbsp; 58 jastaǵy er adamnyń denesi tabyldy.</p>

Aýmaqtyq TJD baspasóz qyzmetiniń málimetinshe, órt 19 aqpanda saǵat 04:45 shamasynda Eńbek aýylynyń Tselınnaıa kóshesi boıynda ornalasqan jeke turǵyn úıde bolǵan.

«Órtti sóndirýge TJD jeke quramynan 7 adam jáne 2 arnaıy órt sóndirý tehnıkasy jumyldyryldy. Saǵat 06:55 órt oqshaýlanyp, 08:18 sóndirildi. Órt bolǵan úıden 1966 jylǵy er adamnyń denesi tabyldy. Qazirgi kezde órttiń shyǵý sebepteri anyqtalýda», - dedi vedomstvodan.

Aıta ketsek, budan buryn Kókshetaýda qurylys alańyndaǵy kúzetshiniń dúńgirsheginen órt shyǵyp, bir adam mert bolǵanyn jazǵan edik.