Aqmola oblysynda mektepti jóndeý boıynsha oryndalmaǵan jumys úshin bıýdjetten 27 mln teńge tólengen

<p>KÓKShETAÝ. KAZINFORM &ndash; Aqmola oblysynda oryndalmaǵan jumystar úshin aqy tóleý jaǵdaıy anyqtaldy, dep habarlaıdy oblys prokýratýrasynyń baspasóz qyzmeti.</p>

Baspasóz qyzmetiniń málimetterine qaraǵanda, Esil aýdanynyń prokýratýrasy mektepti kúrdeli jóndeýdi tekserý barysynda oryndalǵan jumystar aktilerine zańsyz qol qoıý jáne oryndalmaǵan jumys úshin bıýdjetten 27 mln teńge tóleý áreketin anyqtady.

Merdiger jasasqan kelisimsharttyń talaptaryn oryndamaǵan, tereze ornatý, mektep shatyryn jabý jáne t.b aıtarlyqtaı jumys kólemi oryndalmaı qalǵan, sonyń saldarynan mekteptiń kúrdeli jóndeý jumystary belgilengen merzimde aıaqtalmady.

Prokýrorlyq den qoıý sharalarymen merdiger uıym memlekettik satyp alýdyń josyqsyz qatysýshysy bolyp tanyldy jáne qurylys-montajdaý jumystaryn oryndamaǵany úshin 1 380 000 teńge kóleminde aıyppul salynyp, qurylys-montajdaý jumystaryna lıtsenzııasynan aıyra otyryp, ákimshilik jaýapqa tartyldy (ÁQBtK-niń 312-baby 2-bóligi).

Laýazymdy tulǵalar tártiptik jaýapqa tartyldy.

Qabyldanǵan sharalardyń nátıjesinde obektide jumystar belsendi bastalyp, júrgizilýde.