Aqmola oblysynda múgedek balalarǵa bólingen qarajat jymqyrylǵan

<p>ASTANA. KAZINFORM &mdash; Prokýratýra múgedek balalarǵa arnalǵan qarajattyń jymqyrylǵanyn anyqtady. Bul týraly Aqmola oblysy prokýratýrasy habarlady.</p>

 — Kókshetaý qalasynyń prokýratýrasy «Artsport» jáne «DamuBala» baǵdarlamalary aıasynda balalarǵa, sonyń ishinde múmkindigi shekteýli balalarǵa arnalǵan sport sektsııalaryna bólingen bıýdjet qarajatyn jymqyrýdyń qylmystyq shemalaryn anyqtady. Atap aıtqanda, Kókshetaý qalasy boıynsha memlekettik tapsyrystardy jetkizýshilerdiń biri sektsııalarǵa múldem qatyspaǵan balalarǵa oryndalǵan jumystardyń aktilerin usyndy. Osyǵan oraı, qala prokýratýrasy alaıaqtyq faktisi boıynsha qylmystyq is qozǵap, sotqa deıingi tergeý júrgizilýde, — delingen prokýratýra habarlamasynda.

Buǵan deıin BQO-da 1,1 mln astam alıment tólemegen boryshker qamaýǵa alynǵany týraly habarlaǵan bolatynbyz.