Aqmola oblysynda merdiger lıtsenzııasynan aıyryldy

<p>Aqmola oblysynyń ákimi Marat Ahmetjanovtyń tapsyrmasymen óńirde áleýmettik sala nysandaryn kúrdeli jóndeý jumystarynyń barysyna tekserý júrgizilýde, dep habarlaıdy <a href="https://kaz.inform.kz/news/shko-turgini-separatizm-ushn-5-zhilga-sottaldi-34bbb8/Kazinform" target="_blank" rel="noopener">Kazinform</a>.</p>

Oblys ákiminiń birinshi orynbasary Eldos Ramazanovtyń aıtýynsha, qurylystyń sapasy men merzimine qatysty jumystar turaqty júrgizilip, erekshe baqylaýǵa alynǵan.

«Búgingi tańda, tekserý nátıjeleri boıynsha 12 merdiger ákimshilik jaýapkershilikke tartylyp, 3 merdigerge shartty buzý, ósimpul óndirip alý jáne josyqsyz ónim berýshi dep taný týraly talap aryzdar berildi», - dedi E.Ramazanov.

Jóndeý jumystary sapasyz júrgizilip, kesteden keshiktirilgen obektilerdiń arasynda Birjan sal aýdany Stepnıak qalasyndaǵy №1 mektep bar. Memlekettik sáýlet-qurylys baqylaý basqarmasy bas merdiger «GradStroıServıs» JShS-ǵa qatysty kúrdeli jóndeý jumystarynyń sapasyna tekserý júrgizdi.

Tekserý nátıjeleri boıynsha jóndeý kesteleriniń aıtarlyqtaı artta qalýy atap kórsetildi, sonymen qatar memlekettik standarttar men bekitilgen jobadan aýytqýlar anyqtaldy.

Qazirgi ýaqytta Aqmola oblystyq soty sot alqasynyń sheshimimen «GradStroıServıs» JShS lıtsenzııasynan aıyrylyp, mamandandyrylǵan aýdanaralyq ekonomıkalyq soty JShS-ny memlekettik satyp alýdyń josyqsyz qatysýshysy dep tanydy.

Foto: Aqmola oblysy ákimdigi