Aqmola oblysynda mamyr merekeleri qalaı ótedi

<p>KÓKShETAÝ. KAZINFORM &ndash; Aqmola oblysynda Otan qorǵaýshy jáne Jeńis kúnderin merekeleý aıasynda birqatar is-shara ótkizý josparlanǵan. Bul týraly óńirlik kommýnıkatsııalar qyzmetinde ótken brıfıngte oblystyq ishki saıasat basqarmasy basshysynyń orynbasary Jandáýlet Qylyshbaev málim etti.</p>

Basqarma basshysy orynbasarynyń aıtýynsha, Otan qorǵaýshylar kúni men Jeńis kúnin merekeleý áskerı dástúrdiń sabaqtastyǵymen, memlekettiń beıbitshiligi men táýelsizdigin saqtaýǵa jáne nasıhattaýǵa baǵyttalǵan. Alaıda, aımaqtaǵy sý tasqynynan týyndaǵan kúrdeli áleýmettik-ekonomıkalyq jaǵdaıdy eskere otyryp, barlyq merekelik is-sharalardy ótkizýdiń ustamdy formaty usynylyp otyr. ıAǵnı, is-sharalardy ótkizýde qoǵamdyq-mańyzy zor jáne áleýmettik-paıdaly bastamalarǵa mán beriledi.

«Osylaısha, Otan qorǵaýshylar kúnin merekeleý aıasynda buqaralyq aqparat quraldarynda jáne áleýmettik jelilerde zardap shekkenderge ózara kómek kórsetý, qoldaý, gýmanıtarlyq kómekti jınaý jáne jóneltý hronıkasy, qarapaıym azamattardyń kúshimen turǵyn úılerdi, áleýmettik nysandardy qalpyna keltirý tárizdi sıýjetter men beınerolıkterdi belsendi túrdi kórsetý jáne taratý qamtamasyz etiledi. Sondaı-aq, jergilikti atqarýshy organdardyń birinshi basshylarynyń qatysýymen sý tasqynyn joıýǵa belsendi qatysqan azamattardy qoldaý jáne kótermeleý boıynsha saltanatty is-sharalar uıymdastyrylady», - dep atap ótti Jandáýlet Qylyshbaev.

Jeńis kúnin merekeleý aıasynda arnaıy platformada «Er esimi – el esinde» onlaın aktsııasy («Máńgilik polk» aktsııasynyń analogy) iske qosylady.

TMD elderindegi jáne jalpy álemdegi qazirgi qıyn geosaıası jaǵdaıdy eskere otyryp, aımaqta beıbitshilik pen kelisimdi saqtaý úshin «Máńgilik polk» sherýi bolmaıdy.

Eriktiler men jastar uıymdarynyń belsendileri soǵys ardagerleri men tyl eńbekkerlerin qoldaý úshin «Ardagerlerge taǵzym» qaıyrymdylyq aktsııalaryn ótkizedi.

Mádenıet uıymdarynda taqyryptyq kórmeler, ekspozıtsııalar, áskerı-patrıottyq taqyryptaǵy qoıylymdar uıymdastyrylady.

Mereke qarsańynda «Jeńis lentasy» patrıottyq lentalary daıyndalyp, jappaı taratylady.

Bilim berý uıymdarynda soǵys ardagerleri men áskerı qyzmetshilerdiń qatysýymen «Erlik sabaqtary» ótkiziledi.

Budan bólek, mereke qarsańynda soǵys ardagerlerine birjolǵy tólemder jasalady.

Sondaı-aq, soǵys ardagerlerin jáne olarǵa teńestirilgen adamdar sanattaryn keshendi áleýmettik-medıtsınalyq tekserý aılyǵy bastalady.

Mereke qarsańynda Aqmola oblysynyń ákimi soǵys ardagerleri men olardyń otbasylaryna, sondaı-aq, memlekettiń qamqorlyǵynda qalǵandarǵa baryp kezdesedi.

Otan qorǵaýshylar kúni men Jeńis kúnine oraı áleýmettik jelilerde soǵys ardagerleri men qazirgi zaman batyrlary týraly taqyryptyq jobalar men baǵdarlamalar, kórkem jáne derekti fılmder, sıýjetter jarııalanady.

Buqaralyq aqparat quraldarynda Qarýly Kúshterdiń áskerı qyzmetshileri men ardagerleri týraly taqyryptyq materıaldar, maqalalar, suhbattar, sondaı-aq aldaǵy merekelik kúnderge arnalǵan arnaıy aıdarlar men telebaǵdarlamalar jaryq kóredi.

Jastar uıymdarynyń, mádenıet ókilderiniń, blogerler men jýrnalısterdiń jáne qoǵam belsendileriniń qatysýymen áleýmettik jelilerde patrıottyq aktsııalar iske qosylady.

Aıta ketsek, budan buryn “Taza Qazaqstan” aktsııasy barysynda Kókshetaýda 9 myńǵa jýyq aǵash otyrǵyzylǵanyn jazǵan edik.