Aqmola oblysynda qutqarýshylardyń kómegimen 11 jastaǵy naýqas aýrýhanaǵa jetkizildi

<p>KÓKShETAÝ. KAZINFORM - &nbsp;Aqmola oblysynda boranda úıinen shyǵa almaǵan 11 jastaǵy naýqas balany qutqarýshylar jedel aýrýhanaǵa jetkizdi.&nbsp;</p>

Aýmaqtyq TJD baspasóz qyzmetiniń málimetinshe, búgin, 9 aqpanda Jaqsy aýdandyq TJB-ne Tersaqan aýylynyń ákimi habarlasyp, 11 jastaǵy balanyń aýyryp qalǵanyn jáne shuǵyl aýrýhanaǵa jetkizý qajettigin aıtqan.

«Túngi saǵat 00:50 shamasynda Jaqsy aýdanynyń qutqarýshylary men jedel járdem brıgadasynyń qyzmetkerleri jol talǵamaıtyn «Ýral» kóligimen Terisaqan aýylyna baryp, balany aman-esen aýdandyq aýrýhanaǵa alyp keldi. Qazirgi kezde balanyń jaǵdaı turaqty, aldaǵy otaǵa daıyndalýda», - dedi vedomstvodan.

Foto: TJD baspasóz qyzmetinen

Aıta ketsek, budan buryn Aqmola oblysynda jolda qalǵan 26 adam qutqarylǵanyn jazǵan edik.