Aqmola oblysynda Qopa kóliniń jaǵasyna 2000-ǵa tarta kóshet otyrǵyzyldy

<p>KÓKShETAÝ. KAZINFORM - Aqmola oblysynda Respýblıka kúnin merekeleý, sondaı-aq &laquo;Taza Qazaqstan&raquo; respýblıkalyq ekologııalyq aktsııasy aıasynda Qopa kóliniń jaǵalaýyna aǵash otyrǵyzý jumystary júrgizildi. Іs-sharaǵa óńir basshysy Marat Ahmetjanov qatysty.</p>

Oblys ákimi orman sharýashylyǵy qyzmetkerlerimen jáne basqa da qatysýshylarmen birlesip 400-ge jýyq kóshet jáne 1500 ekpe kóshet otyrǵyzdy. Olardyń ishinde qaraǵaı, terek, úıeńki, dolana, tal jáne basqa da aǵash túrleri bar. Jergilikti ekojúıege úılesetin kóshetter oblys ortalyǵyndaǵy Qopa kóliniń jaǵalaýyn bezendiretin bolady.

Shara barysynda Aqmola oblysynyń ákimi ekologııalyq salaýattylyq úshin jasyl jelekti saqtaý men ulǵaıtýdyń mańyzdylyǵyn atap ótti. 

Foto: Aqmola oblysynyń ákimdigi

«Aǵash otyrǵyzý – bul jaı ǵana kógaldandyrý emes, bizdiń ortaq bolashaǵymyzǵa qosqan úlesimiz. Biz keler urpaq úshin qolaıly jaǵdaı jasaımyz, klımatty jaqsartamyz jáne ólkemizdi kórkemdeı túsemiz. Búgingi is-sharaǵa landshaft dızaıneri, orman patology sııaqty tájirıbeli mamandar tartyldy, olar aǵashtardy durys tańdaýǵa jáne otyrǵyzýǵa kómektesýde. Bul egilgen aǵash kóshetteriniń tamyr jaıyp, durys ósip shyǵýyna septigin tıgizedi», - dedi Marat Ahmetjanov.

Foto: Aqmola oblysynyń ákimdigi

Kóshetterdi otyrǵyzý kezinde aǵashtar men butalardyń aımaq jaǵdaıyna beıim túrlerin tańdaýǵa erekshe nazar aýdaryldy. Іs-sharaǵa belsendi qatysqan ormanshylar qajetti jaǵdaılardy eskere otyryp, árbir aǵashty otyrǵyzý kezindegi tehnologııanyń saqtalýyn qadaǵalady.

qopa kóliniń jaǵalaýyna aǵash otyrǵyzý ómir súrý sapasyn jaqsartýǵa jáne tabıǵı resýrstardy saqtaýǵa baǵyttalǵan aımaqtaǵy kóptegen ekologııalyq bastamalardyń biri boldy.
Osy is-sharanyń aldaǵy orman sharýashylyǵy qyzmetkerleri kúnine de oraılastyrylǵanyn aıta ketýimiz qajet.