Aqmola oblysynda Qyzyl kitapqa engen qustardy aýlaǵan brakoner ustaldy

<p>ALMATY. KAZINFORM &mdash; Aqmola oblysynda jabaıy qustardy zańsyz aýlaǵan brakoner ustaldy.&nbsp;</p>

Polisia.kz-tiń habarlaýynsha 5 jeltoqsanda Bulandy aýdany polıtsııa bóliminiń qyzmetkerleri men «Ohotzooprom» mekemesiniń mamandary birlesken reıd barysynda tabıǵat qorǵaý zańnamasyn óreskel buzǵan oqıǵanyń aldyn alǵan. Atap aıtqanda, Baısýat aýylynyń mańynda 54 jastaǵy Astana qalasynyń turǵyny jabaıy qustardy zańsyz aýlap jatqan jerinen ustaldy.

Er adam arnaıy tyıym salynǵan torlardy paıdalanyp, Qazaqstannyń Qyzyl kitapqa engizilgen sırek qustarynyń biri – qara basty paıyztorǵaı tuqymdas qustardy aýlaǵan. Polıtsııa qyzmetkerleri brakonerden 76 qusty tárkilep, onyń dalaǵa ornatqan torly shybyqtaryn anyqtady. Ókinishke qaraı, qustardyń basym bóligi torda qysylyp, ólip qalǵan.

Aldyn ala tergeý barysynda kúdiktiniń Bulandy aýdany aýmaǵynda shamamen 80-ge jýyq jabaıy qusty ustap, ınternet-resýrstar arqyly satý úshin áreket etkeni belgili boldy. Atalǵan derek boıynsha sotqa deıingi tergeý amaldary bastalyp, tárkilengen qustarǵa sot-bıologııalyq zertteý taǵaıyndaldy. Tergeý nátıjesinde kúdiktige qatysty zańdy sheshim qabyldanady. 

Eske sala keteıik, buǵan deıin Jetisý oblysynda qus atýǵa shyqqan mektep oqýshysyna oq tıgenin jazǵan edik.