Aqmola oblysynda qylqan japyraqty aǵashtardy tasymaldap bara jatqan júk kóligi ustaldy

<p>ASTANA. KAZINFORM - Aqmola oblysyndaǵy tas jolda qaraǵaı tuqymynyń 30 aǵashyn tasymaldap bara jatqan &laquo;Kamaz&raquo; júk kóligi toqtatyldy. Memleketke keltirilgen zalal shamamen 1 mıllıon teńgeni qurady, dep habarlaıdy Aqmola oblysy Polıtsııa departamentiniń baspasóz qyzmeti.</p>

Uıymdasqan qylmysqa qarsy kúres basqarmasynyń qyzmetkerleri «Astana-Petropavl» respýblıkalyq trassasynda patrýldik polıtsııa rotasynyń ınspektorlarymen birlesip, urlanǵan qaraǵaı aǵashtaryn tasymaldaý faktisiniń jolyn kesti. Júk kóligin toqtatý kezinde jedel ýákilder tirkemede Aqkól aýdany Keńes aýylynyń orman alqabynyń aýmaǵynda kesilgen 30 aǵashty tapty.

Foto: Aqmola oblysy Polıtsııa departamentiniń baspasóz qyzmeti.

«Kamaz» júrgizýshisi aǵashtardy qazǵan jumysshylardy jaldaǵany aldyn-ala anyqtaldy, sodan keıin ol jer kesekterimen birge qaraǵaılardy elordalyq kásiporyndardyń birine satýdy josparlaǵan. Qazirgi ýaqytta sotqa deıingi tergeý sheńberinde qajetti jedel jáne tergeý is-sharalary júrgizilip jatyr. Zalaldyń naqty somasy ázirge belgilenýde, biraq jergilikti atqarýshy organdardyń aqparaty boıynsha memleketke keltirilgen zalal 1 mıllıon teńgeden asady»,-delingen habarlamada.

Sondaı-aq, Tselınograd aýdany Polıtsııa bóliminiń qyzmetkerleri bıyl qyrkúıek aıynda jasalǵan 40 qaıyń kóshetin urlaǵanyn anyqtady. «Jasyl Aımaq» RMK orman qory aýmaǵynan aǵashtar urlanǵany anyqtaldy, al zalal somasy 1 560 000 teńgeden asty. Osy fakti boıynsha tergeý júrgizilýde, 28 jastaǵy kúdiktige qatysty qajetti tergeý áreketteri júrgizilýde.

Osyǵan deıin Aqmola oblysynyń Ereımentaý aýdanynda esirtki zerthanasy anyqtalǵanyn jazǵan edik.