Aqmola oblysynda qarjy pıramıdasynyń belgileri bar jobaǵa qatysty tergeý bastaldy

<p>Qarjy monıtorıngi agenttiginiń Aqmola oblysy boıynsha departamenti Qarjy pıramıdasynyń belgileri bar &laquo;Eolus&raquo; ınvestıtsııalyq jobanyń bólimshesiniń qyzmetine tosqaýyl qoıdy.</p>

Atalǵan kompanııa úsh aı boıy salymshylardy tartý maqsatynda óz qyzmetin iske asyryp kelgen, dep habarlaıdy QazAqparat QMA baspasóz qyzmetine silteme jasap.

«Eolus» ózin shet elderde ornalasqan jańartylatyn energııa kózderin, jel elektr generatorlaryn engizýmen aınalysatyn kompanııa retinde tanystyrǵan.

Bul jobany uıymdastyrýshylar óz bıznesiniń joǵary tabysy týraly prezentatsııalar jasaı otyryp, azamattardy salym somasynyń 3% kóleminde passıvti kúndelikti kiris alýǵa ýáde bere otyryp, aqsha salýǵa kóndirgen.

Atalǵan fakti boıynsha sotqa deıingi tergeý bastaldy.

QR QPK 201-babyna sáıkes ózge de málimetter jarııa etilýge jatpaıdy.

QR Konstıtýtsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.