Aqmola oblysynda jyldyń alǵashqy kúnderi eki aýyldyń halqy jaryqsyz qaldy

<p>Aqmola oblysynyń Zerendi aýdanynda elektr jelilerinde apat jıi jıi bolyp turady. Sonyń saldarynan birqatar aýyldar jaryqsyz otyrýǵa májbúr, dep habarlaıdy <a href="https://kaz.inform.kz/" target="_blank" rel="noopener">Kazinform</a> tilshisi.</p>

Aýdan ákimdiginiń málimetinshe, bıylǵy qańtardyń 2-de saǵat 16:30 shamasynda «Zerendi-Aıdarly» 10 KVt jelisindegi jóndeý jumystaryna baılanysty Aıdarly jáne Qoshqarbaı aýyldary jaryqsyz qalǵan.

«Jóndeý jumystaryn «Qýat energo partner» JShS jumysshylary 23:20 deıin júrgizgen, alaıda, birqatar apattyq sebepterge baılanysty jaryq jumystary keıinge qaldy. Qańtardyń 3-de saǵat 08:00 jóndeý jumystary jalǵasyp, túsken deıin Aıdarly jáne Qoshqarbaı aýyldaryna jaryq berildi. Alaıda, sol kúni saǵat 18:26 «Zerendi-Aıdarly» 10 KVt jelisinde qaıtadan jóndeý jumystary júrgizilip, atalmysh aýyl taǵy da jaryqsyz qalǵan. Bul joly jóndeý jumystaryna «Technical work group» JShS tartyldy, saǵat 22:10-de elektr jaryǵyn taratý jumystary qalpyna keldi» delingen Zerendi aýdany ákimdiginiń resmı málimetinde.

Aıtýynsha, jaryqtyń jıi sóndirilýine elektr jelileriniń isten shyǵýy sebep bolyp otyrǵan kórinedi.

Qazir aýyldardaǵy jelilerdiń 90 paıyzy tozǵan.

Aıta ketsek, budan buryn Qosshy qalasynda kúshti jel saldarynan 1229 abonent jaryqsyz qalǵanyn jazǵan edik.