Aqmola oblysynda «Gazel» kóligi lokomotıvpen soqtyǵysty
Aqmola oblysy PD baspasóz qyzmetiniń málimetinshe, jol-kólik oqıǵasy tamyzdyń 13-inde «Jaqsy-Esil-Buzylyq» avtojolynyń 72 shaqyrymynda bolǵan. «Gazel» kóliginiń 41 jastaǵy júrgizýshisi temirjol ótkelinde baǵdarshamnyń tyıym salynǵan belgisin eskermeı ótip ketpek bolǵan. Osy kezde ony lokomotıv soqqan.
«Abyroı bolǵanda, júrgizýshi zardap shekken joq, tek kóligi zaqymdandy. Sonymen birge, «QTJ – Júk tasymaly» JShS-ne materıaldyq zalal keltirildi. Osyǵan baılanysty «Gazel» kóliginiń júrgizýshisine qatysty Ákimshilik quqyqbuzýshylyq kodeksiniń 610-baby 1-bóligi jáne 607-baby 1-bóligi boıynsha (kólik quraldary júrgizýshileriniń adamdardyń densaýlyǵyna zııan keltirýge, kólik quraldarynyń nemese ózge de múliktiń zaqymdalýyna ákep soqqan jol qozǵalysy erejelerin buzýy) jáne (temir jol ótkelderinen ótý erejelerin buzý) ákimshilik hattamalar toltyryldy», - dedi vedomstvodan.
Osy rette, tártip saqshylary júrgizýshilerden temirjol ótkelderin óter kezde abaı bolýǵa jáne jol qozǵalysy erejelerin qatań saqtaýdy suraıdy.
Aıta ketsek, budan buryn «Jezqazǵan – Petropavl» tas jolynda adam qaǵyp, mert qylǵan júrgizýshi ustalǵanyn jazǵan edik.