Aqmola oblysynda esirtkige masaıǵan júrgizýshi ustaldy

<p>KÓKShETAÝ. KAZINFORM - Aqmola oblysynda esirtkige masaıǵan kúıde kólik basqarǵan júrgizýshi ustaldy.</p>

Oblystyq PD baspasóz qyzmetiniń málimetinshe, saǵat 14:35 shamasynda «Ekaterınbor-Almaty» avtojolynyń 1140 shaqyrymynda Novocherkasskoe aýyly mańynda patrýldik polıtsııa batalonynyń ekıpajy, polıtsııa aǵa leıtenanty B.Beıisov pen leıtenant A.Ótegenov «VAZ-2111» kóligin toqtatqan.

«Kóliktiń qaraıtylǵan áınegi tártip saqshylaryna kúdik týǵyzǵan. Qujattaryn tekserý kezinde 56 jastaǵy júrgizýshiniń esirtkige masaıǵany jáne kólik basqarýǵa ruqsat qujaty bolmaǵany anyqtaldy», - dedi vedomstvodan.

Vedomstvodan atap ótkendeı, er adam 2021 jyly mas kúıinde kólik júrgizgeni úshin kináli dep tanylyp, Qylmystyq kodekstiń 608-baby boıynsha ákimshilik jazaǵa tartylǵan. ıAǵnı, 15 kún ákimshilik qamaýǵa alynyp, 7 jylǵa júrgizýshi kýáliginen aıyrylǵan.

«Qazirgi kezde mas kúıinde ekinshi ret rýlge otyrǵan júrgizýshige qatysty sotqa deıingi tergeý amaldary júrgizilip jatyr», - dep qosty vedomstvodan.

Aıta ketsek, budan buryn Aqmola oblysynda kóliktiń ishinen eki adamnyń denesi tabylǵanyn jazǵan edik.