Aqmola oblysynda eski medıtsınalyq jabdyqty jetkizgeni úshin sottalǵandarǵa úkim ózgertildi

<p>KÓKShETAÝ. KAZINFORM - Aqmola oblystyq sot alqasy paıdalanýda bolǵan medıtsınalyq jabdyqty zańsyz jetkizgeni úshin sottalǵandar &nbsp;- &laquo;Avıtsenna &ndash; Býrabaı&raquo; JShS-niń jáne oblystyq Densaýlyq saqtaý basqarmasynyń burynǵy basshylaryna qatysty birinshi satydaǵy sottyń úkimin ózgertti.</p>

Aqmola oblystyq soty baspasóz qyzmetiniń málmetinshe, oblystyq densaýlyq saqtaý basqarmasynyń burynǵy basshysynyń is-áreketteri alaıaqtyqtan Qylmystyq kodekstiń 361-babynyń 4-bóligi 3-bólimshesine aýystyryldy. Bul - laýazymdyq ókilettikterdi teris paıdalaný.

«Keltirilgen zalal mólsheri 398 016 000 teńgege deıin tómendetildi jáne eks basqarma basshysyna qatysty aýyrlatatyn mán-jaı alynyp tastaldy (qylmystyq quqyq buzýshylyq jasaýda erekshe belsendi ról). Alqa qaýlysymen oǵan memlekettik qyzmette qyzmet atqarý quqyǵynan ómir boıyna aıyra otyryp, 8 jyl 6 aı bas bostandyǵynan aıyrý jazasy taǵaıyndaldy», - dep túsindirdi vedomstvodan.

Al «Avıtsenna-Býrabaı» JShS basshysynyń mindeti atqarǵan sottalýshyǵa qatysty biliktilik belgisi alynyp tastaldy (laýazymdy adamnyń alaıaqtyq jasaýy jáne qabyldanǵan antty buzǵan adamnyń qylmys jasaýy, quqyq buzýshylyq jasaýdaǵy erekshe belsendi róli aýyrlatatyn mán-jaılar).

«Sottalýyshynyń ekeýinen de 398 016 000 teńge kóleminde ortaq tártippen keltirilgen zalal óndirildi. Azamattyq talap boıynsha 769 497 600 teńge kóleminde zalal óndirildi», - dep tolyqtyrdy vedomstvodan.

Sot anyqtaǵandaı, istiń eki qatysýshysy da úshinshi tulǵamen qylmystyq kelisimge kele otyryp, 2017 jyly Býrabaı aýdanynyń densaýlyq saqtaý nysandaryn senimgerlik basqarýǵa berý týraly shart jasasty. Bul rette shart sheńberinde JShS «Halyq densaýlyǵy jáne densaýlyq saqtaý júıesi týraly» Kodekstiń normalary men tehnıkalyq talaptaryna jáne basqa da normatıvtik aktilerge sáıkes keletin, buryn paıdalanylmaǵan jańa medıtsınalyq jabdyqty satyp alýǵa tıis boldy. Biraq is júzinde medıtsınalyq tehnıka QR aýmaǵynda tirkelmegen bolyp shyqty. Osylaısha, istiń qatysýshylary mıllıard teńgeden astam bıýdjet qarajatyn ıemdendi.

«Osylaısha sottalýshylar aýyr qylmystyq quqyq buzýshylyqtar jasady: JShS eks basshysy iri mólsherde alaıaqtyq jasady (QR QK 190 - babynyń 4-bóligi 2-bólimshesi), Densaýlyq saqtaý basqarmasynyń eks basshysy laýazymdyq ókilettikterin teris paıdalaný (QR QK 361-baby 4-bóligi 3-bólimshesi). Kýágerler men jábirlenýshi taraptyń aıǵaqtarymen, sot saraptamalarynyń qorytyndylarymen rastaldy, - dep túıindedi sotta.

Eske salaıyq, budan buryn medıtsına salasynda iri kólemde bıýdjet qarajatyn jymqyrǵandar sottalǵanyn jazǵan edik.