Aqmola oblysynda ekologııalyq taza plastık óndiretin astyqty tereń óńdeý zaýyty salynady

<p>ASTANA. KAZINFORM &ndash;&nbsp;<strong>Qazaqstan Premer-mınıstriniń birinshi orynbasary Roman Sklıar Dalian Hesheng Holding&nbsp;kompanııasynyń (QHR) tóraǵasy Van Venfengpen kezdesti. Kompanııa astyqty tereń óńdeý zaýytyn salý jobasyn iske asyrýdy josparlap otyr.</strong><strong> Bul týraly Úkimettiń baspasóz qyzmeti habarlady.</strong></p>

Aqmola oblysynda natrıı glýtamaty, amın qyshqyldary jáne ekologııalyq taza plastık óndiretin astyqty tereń óńdeý zaýytynyń qurylysy josparlanǵan. Van Venfeng jobany júzege asyrý barysynda memlekettik organdar tarapynan belsendi qoldaý kórsetilgenin atap ótti. 

Foto: primeminister.kz

Kezdesý qorytyndysy boıynsha eki tarap joba sátti iske asyrylady jáne ózara tıimdi yntymaqtastyq odan ári nyǵaıa túsedi degen senim bildirdi. 

Foto: primeminister.kz

Aqmola oblysynda bıdaıdy tereń óńdeý zaýyty salynatynyn jazǵan bolatynbyz.

«Bıdaıdy tereń óńdeýge múmkindik beretin memorandýmǵa qol qoıǵaly otyrmyz. Bıdaıdy tereń óńdep, ony Qytaı basqa da elderge jetkizetin joba. Kelisim aıasynda 650 mln dollar ınvestıtsııa tartý kútiledi jáne 1 myń jumys orny ashylady. Jobany iske asyratyn orny belgilenip, pysyqtaldy, keler jyly zaýyttyń qurylysy bastalady degen jospar bar», - dedi Marat Ahmetjanov elordada qazaqstandyq jahandyq ınvestıtsııalar taqyrybynda ótip jatqan forým barysynda.