Aqmola oblysynda birneshe kólik soqtyǵysty: bir adam kóz jumdy

<p>Aqmola oblysynda júrgizýshi kóz jumǵan jol-kólik oqıǵasyna baılanysty is qozǵaldy, dep habarlaıdy <a href="Kazinform." target="_blank" rel="noopener">Kazinform.</a></p>

Aýmaqtyq PD baspasóz qyzmetiniń málimetinshe, jol apaty 25 jeltoqsanda «Astana - Petropavl» tas jolynyń boıynda bolǵan. 

Anyqtalǵandaı, «Gazel» kóliginiń júrgizýshisi aqaýǵa baılanysty joldyń on jaq shetindegi jolaqqa toqtaǵan. Keıin oǵan «Volkswagen Polo» avtokóligi kelip soǵylǵan. Jeńil kólikti basqarǵan Astana qalasynyń turǵyny sol jerde alǵan dene jaraqatynan qaıtys bolady. Keıin bularǵa osy baǵytta júrip kele jatqan taǵy úsh kólik soqtyǵysady. 

«Jol-kólik oqıǵasyna baılanysty Qylmystyq kodekstiń 345 babynyń 3 bóligi boıynsha is qozǵalyp, sotqa deıingi tergeý amaldary júrgizilip jatyr. Tıisti saraptamalar taǵaıyndaldy», - dedi vedomstvodan.

Eske salaıyq, ákesiniń kóligin ruqsatsyz minip ketken kókshetaýlyq úsh jasóspirim jol apatyna ushyraǵan bolatyn.