Aqmola oblysynda bir bala sýǵa ketip, bir bala terezeden qulady

<p>KÓKShETAÝ. KAZINFORM - Aqmola oblysynda 11 jastaǵy bala sýǵa batyp ketti, 4 jastaǵy bala terezeden qulap ketti.</p>

Aqmola oblysy TJD baspasóz qyzmetiniń málimetinshe, qaıǵyly jaǵdaı Jaqsy aýdanynda bolǵan.

«Anyqtalǵandaı, dosymen sýǵa shomylýǵa barǵan 2013 jylǵy bala Qaıraqty ózenine batyp ketken. Olar ózenniń shomylýǵa ruqsat etilmegen tusynan sýǵa túsken», - dedi vedomstvodan.

Al Shortandy aýdanynda 4 jastaǵy bala balabaqshanyń terezesinen qulap ketti.

«Jeke balabaqshalardyń birinde eresekterdiń qaraýynsyz qalǵan 2020 jylǵy bala 2 qabattyń terezesinen qulady. Qazirgi ýaqytta bala jan saqtaý bóliminde jatyr», - dep qosty vedomstvodan.

Osy rette, Aqmola oblysy TJD qyzmetkerleri aqmolalyqtarǵa sýdaǵy jáne turmystaǵy qaýipsizdik sharalaryn saqtaýǵa, balalardy qaraýsyz qaldyrmaýǵa shaqyrady.

Aıta ketsek, budan buryn Aqmola oblysynda mototsıkl tizgindegen jasóspirim 8 jastaǵy balany qaǵyp ketkenin jazǵan edik.