Aqmola oblysynda bir aıda 210 adam qyzylsha juqtyrdy

<p>KÓKShETAÝ. KAZINFORM — 2024 jyldyń qańtar aıynda 210 aqmolalyq qyzylshamen aýyrdy, onyń ishinde Kókshetaý qalasynda — 91, Qosshy qalasynda — 29, Býrabaı aýdanynda — 21 jáne Stepnogor qalasynda — 15 adam.</p>

Aqmola oblysynyń bas memlekettik sanıtar dárigeri Aınagúl Mýsınanyń málimetinshe, Kókshetaý qalasynda oqýshylar arasynda qyzylsha juqtyrýdyń 34 jaǵdaıy tirkeldi.

Al, sońǵy táýlikte — eki jaǵdaı, onyń bireýi Kókshetaýda № 5 qalalyq orta mektepte jáne bireýi Ereımentaý aýdanynda Erkinshilik aýylyndaǵy mektepte anyqtaldy.

Mektepke deıingi balalar uıymdarynda qańtar aıynda 12 jaǵdaı tirkeldi.

Bul — Arshaly, Astrahan aýdandary men Qosshy, Kókshetaý, Stepnogor qalalaryndaǵy balabaqshalar.

«Qańtar aıynda qyzylshamen naýqastanǵan 104 adam (50%) — vaktsına almaǵandar, onyń ishinde bas tartý sebebinen — 89 (85%) adam, medıtsınalyq jaǵdaıyna baılanysty ekpe salý ýaqytsha keıinge qaldyrylǵan — 10 adam (9,6%), medıtsınalyq jaǵdaıyna baılanysty ekpe salý turaqty túrde keıinge qaldyrylǵan — 5 adam (5,4%), sondaı-aq, vaktsınatsııa mártebesi belgisiz — 51 adam (24,2%) bar», — dedi Aınagúl Mýsına.

Aıta ketsek, budan buryn Aqmola oblysynda jyldyń alǵashqy úsh kúninde 11 adam qyzylsha juqtyrǵanyn jazǵan edik.