Aqmola oblysynda boranda adasyp qalǵan júkti áıel men balasy qutqaryldy

<p>Aqmola oblysynyń Ereımentaý aýdanynda dalada kólikte qalǵan júkti áıel men onyń qoly synǵan balasy qutqaryldy. Aqtútik boranǵa baılanysty qutqarýshylarǵa kómek suraǵan adamdardy jaıaý izdeýge týra keldi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Oblystyq TJD baspasóz qyzmetiniń málimetinshe, oqıǵa 10 qańtarda bolǵan. Erkinshilik aýylynyń turǵyny qoly synǵan balasyn dárigerlerge kórsetý úshin jolǵa shyqqan. Kólikte ulymen birge júkti áıeli de bolǵan. Bulaqtan sý alý úshin olar júrip kele jatqan «Ereımentaý-Torǵaı» jolynan burylǵan. Keıin kóligin qaldyryp, bulaqtan sý almaqshy bolǵan er adam adasyp ketken. 

Foto: TJD baspasóz qyzmetinen

Kúıeýiniń joǵalǵanyna alańdaǵan áıel jedel járdem men qutqarý qyzmetiniń jedel baılanys qyzmetine telefon shalyp, kómek suraǵan.

«Kómek týraly habarlamany alǵan Ereımentaý aýdanynyń TJB bastyǵy Amangeldi Doskenov kómekke ózi bastap shyǵady. «Trekol» kóligimen shyqqan qutqarýshylarǵa jyldamdyǵy sekýndtyna 30 m/s jel men aqtútek boran kedergi keltirdi. Sol sebepti Amangeldi Doskenovtiń kómek suraǵan adamdardy jaıaý izdeýine týra keldi. Jeńil úsik shalǵanyna qaramastan ol kólikti taýyp, áriptesterin shaqyrdy. Al er adam bolsa, ózi jaqyn mańdaǵy blok beketi taýyp barǵan», - dep tolyqtyrdy vedomstvodan.

Aıta ketsek, budan buryn Aqmola oblysynda jolda qalǵan 75 adam evakýatsııalanǵanyn jazǵan edik.