Aqmola oblysynda bıdaıdy tereń óńdeý zaýyty salynady

<p>ASTANA. KAZINFORM &ndash; Búginde bıdaıdy tereń óńdeıtin zaýyt qurylysy pysyqtaldy. Bul týraly Aqmola oblysynyń ákimi Marat Ahmetjanov málim etti.</p>

«Bıdaıdy tereń óńdeýge múmkindik beretin memorandýmǵa qol qoıǵaly otyrmyz. Bıdaıdy tereń óńdep, ony Qytaı basqa da elderge jetkizetin joba. Kelisim aıasynda 650 mln dollar ınvestıtsııa tartý kútiledi jáne 1 myń jumys orny ashylady. Jobany iske asyratyn orny belgilenip, pysyqtaldy, keler jyly zaýyttyń qurylysy bastalady degen jospar bar», - dedi Marat Ahmetjanov elordada qazaqstandyq jahandyq ınvestıtsııalar taqyrybynda ótip jatqan forým barysynda. 

Óńir basshysynyń aıtýynsha, zaýyt Arshaly aýdanynda salynady. 

«Biz ol aýdanda ındýstrııalyq aımaq quryp jatyrmyz. Investorlar 4-5 oblysqa baryp, Arshaly aýdanyna toqtady. Sebebi bul jer sý, elektr jáne gazben qamtylǵan. Bıdaıdy tereń óńdep, eksportqa shyǵarady, alǵashqy kezeńde 1 mln tonna bıdaıdy óńdeý josparlanyp otyr. Joba ekonomıkanyń ósip, oblystyń jaǵdaıyn jaqsartýǵa septigin tıgizedi», - deıdi ol. 

Aıta ketsek, Úkimet jyl sońyna deıin energetıka jáne kommýnaldyq sharýashylyq ulttyq jobasyn bekitýdi kózdep otyr.