Aqmola oblysynda bıatlon bólimshesi ashylýy múmkin

<p>ASTANA. KAZINFORM &ndash; Búgin Aqmola oblysy Aqkól aýdanynyń ákimi Birjan Abdrahmanov, Qazaqstan Bıatlonshylar Odaǵynyń bas hatshysy Manas Úsenov, aýdan ákiminiń orynbasary Saıat Ahmedjanov, jergilikti sport basqarmasynyń basshysy Sergeı Ýsanov, bıatlonnan sport sheberi, 4 dúrkin Azııa oıyndarynyń chempıony Aleksandr Chervıakov jáne bıatlonnan Azııa chempıony Anna Lebedevanyń qatysýymen óńirde bıatlon bólimin ashý jáne balalar sportyn damytý máseleleri talqylandy.</p>

Qazaqstan Bıatlonshylar odaǵy málim etkendeı, jıyn barysynda Manas Úsenov Aqkól aýdanynda bıatlon sportyn damytý úshin óte qolaıly tabıǵat, bilikti jattyqtyrýshylar baryn ári federatsııa tarapynan sporttyq ınventar boıynsha qoldaý kórsetýge daıyn ekenin atap ótti.

Qazirgi tańda Aqkól aýdanynda Aleksandr Chervıakov jáne Anna Lebedevanyń bastamasymen 50-den astam bala bıatlon sportymen aınalysyp jatyr.

Aıta keteıik, qos chempıon ekinshi úılerinde shaǵyn bıatlon bazasyn ashyp, óz kúshimen óńirde shańǵy sportyn damytýǵa den qoıǵan.

Aldaǵy ýaqytta jergilikti ákimdik tarapynan qoldaý kórsetilip, bıatlon bazasy ashylsa, federatsııa respýblıkalyq balalar arasyndaǵy Grand Tour Biathlon jarysynyń bir kezeńin Aqkól óńirinde ótkizýge daıyn.