Aqmola oblysynda basty shyrshanyń shamdaryn jaǵý rásimi ótpeı qaldy

<p>Kún raıynyń nasharlaýyna baılanysty Kókshetaýdyń Abylaı han alańynda ornatylǵan Jańa jyldyń basty shyrshasynyń shamdaryn jaǵý rásimi keıinge qaldyryldy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

26 jeltoqsanda Kókshetaý qalasy aýmaǵynda jyldamdyǵy 15 m/s ekpinde jel turdy. Saldarynan jańajyldyq basty shyrsha zaqymdaldy. Sol sebepti, 26 jeltoqsan, saǵat 19.00-ge josparlanǵan shyrsha shamyn saltanatty túrde jaǵý rásimi keıinge shegerildi.

«Qosymsha aqparatty keıin habarlaıtyn bolamyz», - dep túsindirdi Kókshetaý qalasy ákimdiginiń baspasóz qyzmetinen.

Bıyl Kókshetaýda Jańa jyldy merekeleýge 45 mln teńge jumsalatynyn buǵan deıin jazǵan bolatynbyz.

Foto: Oksana Matasova/Kazinform