Aqmola oblysynda aýrýhana esepshisi 10 mln teńge aqsha jymqyrǵan

<p>ASTANA. KAZINFORM &ndash; Aqmola oblysynda aýrýhana esepshisi múlki tárkilenip, 3 jyl 8 aıǵa bas bostandyǵynan aıyryldy. Oblystyq sottyń alqasy birinshi ınstantsııaly sottyń úkimin ózgerissiz qaldyrdy, dep habarlaıdy Kazinform <a href="https://www.inform.kz/ru/buhgalter-bolnitsi-pohitila-okolo-10-mln-tenge-v-akmolinskoy-oblasti-c80051" target="_blank" rel="noopener">menshikti </a>tilshisi.</p>

Іstiń mán-jaıyn Aqmola oblystyq sotynyń baspasóz qyzmeti habarlady. Aýdandyq aýrýhanalardyń biriniń esepshisi «1S Býhgalterııa» baǵdarlamasyndaǵy derekterdi ózgertip, aýrýhana qyzmetkerleriniń jalaqysy men basqa da tólemderin joǵarylatqan. Aýrýhananyń bas esepshisi men bas dárigeri qujattarǵa elektrondyq tsıfrlyq qoltańba kiltteri arqyly tekserýsiz qol qoıǵan.

— Osylaısha, D. óziniń qyzmettik jaǵdaıyn paıdalanyp, óziniń jáne basqa tulǵalardyń shotyna zańsyz aqsha aýdaryp, keıin olardy aýdarý nemese qolma-qol aqshamen qaıtarýdy talap etken. Al bul QR Qylmystyq kodeksiniń 190-baby 3-bóliginiń 1-tarmaǵy — qyzmet babyn paıdalanyp asa iri kólemde alaıaqtyq jasaý. D. óziniń qylmystyq áreketimen 2020-2022 jyldary densaýlyq saqtaý basqarmasyna jalpy somasy 10 mln teńgege jýyq materıaldyq shyǵyn keltirgen, — dep túsindirdi vedomstvodan.

Zańbuzýshylyq tekserý barysynda anyqtaldy, sondaı-aq shottaryna artyq eseptelgen jalaqy túsken aýrýhana qyzmetkerleriniń jáne kýágerlerdiń aıǵaqtarymen dáleldendi. Іs boıynsha jeńildetetin mán-jaı — aıyptalýshynyń kishkentaı balasy bar. 

— Sot úkimimen D.-ǵa múlki tárkilenip (urlyq kezinde satyp alynǵan avtokólik) jáne materıaldyq-jaýapty qyzmetterdi atqarý quqyǵynan aıyrýmen 3 jyl 8 aıǵa bas bostandyǵynan aıyrý jazasy taǵaıyndaldy. Bas bostandyǵynan aıyrý túrindegi úkimdi oryndaý onyń kishkentaı balasy 14 jasqa tolǵanǵa deıin 4 jylǵa keıinge qaldyryldy, — dep qosty vedomstvo.mol