Aqmola oblysynda 65 tájikstandyq jolaýshy qutqaryldy

<p>Aqmola oblysynda jolda qalǵan avtobýs ishinde bolǵan 65 tájikstandyq jolaýshy qutqaryldy, dep habarlaıdy <a href="Kazinform." target="_blank" rel="noopener">Kazinform.</a></p>

Oblystyq PD baspasóz qyzmetiniń málimetinshe, 14 qańtarda túngi ýaqytta «Astana-Petropavl» tas jolynda Reseıdiń Sýrgýt qalasynan kele jatqan reıstik avtobýs isten shyqqan. Kólikte 65 jolaýshy bolǵan, onyń bireýi 10 jasar bala jáne 14 áıel. Olar - Tájikstan Respýblıkasynyń azamattary.

- Sheteldikterge «Baqaı» patrýldik polıtsııa rotasynyń ekıpajy-polıtsııanyń aǵa leıtenanttary Azamat Tólegenov pen Nursultan Saǵandyqov kómek kórsetti. Olar TJ qurylymyna jáne jergilikti atqarýshy organdarǵa habarlap aıtty, sondaı-aq isten shyqqan avtobýsty jóndeýge jáne Aqkól qalasyndaǵy jylytý ornyna jetýine atsalysty, - dedi vedomstvodan.

Sheteldik jolaýshylar jol ashylyp, kólik qozǵalysy jandanǵansha jylytý ornynda bolady.

Aıta ketsek, budan buryn Aqmola oblysynda boranda adasyp qalǵan júkti áıel men bala qutqarylǵanyn jazǵan edik.