Aqmola oblysynda 6,2 mlrd teńge salyqtar men túsimder kóleńkeden bıýdjetke shyǵaryldy

<p>KÓKShETAÝ. KAZINFORM - Aqmola oblysynda memlekettik bıýdjetke túsetin túsimderdiń ósý rezervterin anyqtaý úshin qurylǵan komıssııa belsendi jumys isteıdi. Bul bastama Aqmola oblysynyń ákimi Marat Ahmetjanovtyń kóleńkeli ekonomıkamen kúresýge jáne salyq zańnamasynyń saqtalýyn qamtamasyz etýge baǵyttalǵan tapsyrmasy boıynsha 2022-2027 jyldarǵa arnalǵan is-sharalar josparyn iske asyrý sheńberinde júzege asyrylady.</p>

Komıssııa jumysynda ashyqtyq pen zańdylyqty qamtamasyz etý úshin baqylaý-qadaǵalaý jáne quqyq qorǵaý organdarynyń ókilderi tartylady. Aǵymdaǵy jyldyń 9 aıynda oblys boıynsha komıssııanyń kúsh – jigeriniń arqasynda kóleńkeden – 6,2 mlrd.teńge salyq jáne bıýdjetke túsetin ózge de túsimder, onyń ishinde qyzmetkerlerdiń eńbegine aqy tóleý qory boıynsha-3,1 mlrd. teńge shyǵaryldy.

Komıssııa jumysynyń oń nátıjeleri óńir úshin mańyzdy. Bıýdjetke qosymsha qarajat tartý halyqtyń ómir súrý deńgeıin arttyrýǵa ǵana emes, áleýmettik turaqtylyqty nyǵaıtýǵa da yqpal etedi.

2024 jylǵy 11 qazanda Býrabaı aýdanynda komıssııa otyrysy ótti, onda bıznes ókilderimen túsindirý jumystary júrgizildi. Qoldanystaǵy salyq zańnamasynyń normalaryn qatań saqtaý qajettiligine erekshe nazar aýdaryldy. Kezdesýge qatysýshylarǵa kiristerdi zańdastyrýdyń jáne qarjylyq qyzmet týraly senimdi aqparat berýdiń mańyzdylyǵy týraly eske salyndy.

Qol jetkizilgen jetistikterge qaramastan, komıssııanyń aldynda áli de kóp jumys bar. Kóleńkeli ekonomıkaǵa qarsy kúres oblystyń barlyq aýdandary men qalalarynda belsendi túrde jalǵasatyn bolady. Bıýdjetke túsetin túsimderdi ulǵaıtý jáne óńirdiń turaqty ekonomıkalyq damýyn qamtamasyz etý mańyzdy mindet bolyp qala beredi.