Aqmola oblysynda 6 jastaǵy qyzdyń ish kıimin sheshken er adam ustaldy
Aqmola oblysy PD baspasóz qyzmetiniń málimetinshe, oqıǵa tamyzdyń 13-inde Tselınograd aýdany aýmaǵynda bolǵan.
«Osyǵan baılanysty Qylmystyq kodekstiń 120-baby 4-bóligi boıynsha sotqa deıingi tergeý júrgizilip jatqanyn habarlaımyz. Kúdikti ustaldy jáne ýaqytsha ustaý oqshaýlaǵyshyna qamaldy. Tergeý sheńberinde birqatar saraptamalar taǵaıyndaldy, qajetti tergeý sharalary júrgizilip jatyr. Qylmystyq protsessýaldyq kodekstiń 201-babyna sáıkes ózge de aqparat jarııalanbaıdy», - dep túsindirdi Kazinform tilshisiniń saýalyna PD baspasóz qyzmetinen.
Aıta ketsek, áleýmettik jelide taraǵan málimette kúdikti Astana qalasynyń 2002 jylǵy turǵyny ekeni aıtylady. Ol óziniń aıýandyq árketin qurylysy salynyp bitpegen turǵyn úıde júzege asyrmaq bolǵan.
Eske salaıyq, budan buryn Aqmola oblysynda balany mektepke qabyldamaı qoıǵanyn jazǵan edik.