Aqmola oblysynda 42 jastaǵy áıel eki kishkentaı balasymen joǵalyp ketti

<p>Aqmola oblysynda eki kishkentaı balasymen birge iz-túzsiz joǵalǵan 42 jastaǵy áıel izdestirilip jatyr, dep habarlaıdy <a href="Kazinform." target="_blank" rel="noopener">Kazinform.</a></p>

Oblystyq PD baspasóz qyzmetiniń málimetinshe, 21 jeltoqsanda saǵat 23:52 shamasynda Stepnogor qalalyq polıtsııa basqarmasynyń Bestóbe kentindegi polıtsııa bólimine jergilikti turǵyn habarlasyp, 1981 jylǵy anasy Nýretdınova Alfııa Saıfýtdınqyzyn jáne onyń 2022 jáne 2023 jyly týǵan eki kishkentaı balasyn izdeýge kómek suraǵan. 

Qyzynyń sózinshe, anasy men eki sińilisi sol kúni tanysynyń úıinen shyqqan. Alaıda úıine kelmegen jáne baılanysqa da shyqpaǵan. 

- Qazirgi ýaqytta Bestóbe polıtsııa bóliminiń jáne qalalyq polıtsııa basqarmasynyń jeke quramy joǵalǵan adamdardy izdestirip jatyr. Sonymen birge izdeý jumystaryna eriktiler de qosylyp, baǵyt baǵdar áleýmettik jeliler men messendjerlerge taratylýda, - dedi vedomstvodan.

Joǵalǵan áıel ústine qara kók kýrtka, kúreń qyzyl tústi shalbar, aq tústi etik kıgen. 

Tártip saqshylary joǵalǵan adamnyń ornalasqan jeri týraly qandaı da bir aqparaty bar jandar bolsa dereý polıtsııaǵa habarlaýdy suraıdy. 

Aıta ketsek, buǵan deıin Aqmola oblysynda psıhıatrııalyq aýrýhanadan qashqan naýqas tabylǵanyn jazǵan edik.