Aqmola oblysynda 24 jastaǵy qyz toǵyzynshy qabattan sekirdi

<p>KÓKShETAÝ. KAZINFORM &ndash; Aqmola oblysynda 24 jastaǵy qyz qaraýsyz qalǵan úıdiń toǵyzynshy qabatynan sekirip, sýıtsıd jasady.</p>

Aqmola oblysy Polıtsııa departamenti baspasóz qyzmetiniń málimetinshe, qaıǵyly jaǵdaı 5 aqpanda Býrabaı kentinde bolǵan.

«Bıylǵy jyldyń 5 aqpanynda Býrabaı aýdanynda bolǵan qyzdyń óz-ózine qol salý deregine baılanysty Qylmystyq kodekstiń 105-baby 1-bóligi (sýıtsıdke deıin jetkizý) boıynsha sotqa deıingi tergeý bastaldy. Aldyn-ala anyqtalǵandaı, Býrabaı aýylynyń 24 jastaǵy turǵyny qaraýsyz qalǵan úıdiń 9-shy qabatynan sekirip, sýıtsıd jasaǵan. Oqıǵa shamamen saǵat 19:30 boldy», -dep túsindirdi Kazinform tilshisiniń saýalyna vedomstvonyń baspasóz qyzmetinen.

Qazirgi ýaqytta tergeý aıasynda sýıtsıd jasaǵan adamnyń týystary men tanystary anyqtalyp, bolǵan oqıǵanyń mán-jaıy tekserilýde.

Aıta ketsek, budan buryn Aqmola oblysynda qoǵam belsendisin óltirgender sottalǵanyn jazǵan edik.