Aqmola oblysynda 200-ge jýyq bala Prezıdent shyrshasynyń qonaǵy boldy

<p>Búgin Qazaqstannyń barlyq óńirinde Qazaqstan Prezıdentiniń atynan dástúrli jańajyldyq qoıylym ótti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Ákimdiktiń málimetinshe, Aqmola oblysynyń bas shyrshasy «Bolashaq sarayi» balalar men jasóspirimder saraıynda jaǵyldy.

Merekelik is-sharaǵa oblystyń barlyq aýdany men qalalarynan 200 jýyq bala qatysty. Oblys ákimi Marat Ahmetjanov Memleket basshysynyń atynan búldirshinderdi kele jatqan Jańa jyl merekesimen quttyqtady. 

Foto: Aqmola oblysy ákimdiginiń baspasóz qyzmeti

«Búgin memleket sizder úshin qajettiniń bárin jasaýda, jańa mektepter salynýda, jaqsy bilim alý úshin jaǵdaı jasalyp jatyr. Prezıdent atap ótkendeı, eger balalar baqytty bolsa – bul memlekettiń bolashaǵy zor ekendiginiń kórsetkishi. Bizdiń basty baılyǵymyz – sizder», - dedi óńir basshysy.

Foto: Aqmola oblysy ákimdiginiń baspasóz qyzmeti

Shortandy aýdanynan kelgen «Zerde» ǵylymı jobalar baıqaýynyń jeńimpazy 12 jasar Áljan Tólegen úshin oblystyq shyrsha ómirdegi eń este qalarlyq jáne mańyzdy oqıǵalardyń birine aınaldy. 

Foto: Aqmola oblysy ákimdiginiń baspasóz qyzmeti

«Meni shaqyrǵan kezde qatty qýandym. Bul meniń ómirimdegi mańyzdy oqıǵa. Men muny árqashan este saqtaımyn. Bizge osy qýanyshty syılaǵanyńyz úshin raqmet», - dedi qatysýshy.

Foto: Aqmola oblysy ákimdiginiń baspasóz qyzmeti

Jańa jyldyq merekelik baǵdarlama teatrlandyrylǵan qoıylymmen jáne ertegi keıipkerleriniń súıemeldeýimen ashylyp, shyrshany jaǵýmen jalǵasty.

Mereke sońynda qońaqtarǵa Qazaqstan Prezıdenti Qasym-Jomart Toqaevtyń atynan 100 myń teńgege aqshalaı sertıfıkattar jáne tátti syılyqtar túrindegi jańa jyldyq syılyqtar tabys etildi.

Foto: Aqmola oblysy ákimdiginiń baspasóz qyzmeti