Aqmola oblysynda 16 myń túp aǵash otyrǵyzylyp, 100-den astam tonna qoqys shyǵaryldy
Aqmola oblysy Іshki saıasat basqarmasynyń málimetinshe, aýqymdy ekologııalyq aktsııa bes aptaǵa sozyldy, olardyń árqaısysy belgili bir taqyrypqa arnaldy.
Sáýirdiń 13-ne deıin ótkizilgen «Taza ólke» aptalyǵy barysynda aýmaqtar men turǵyn úı aýlalary tazartyldy. Apta qorytyndysy boıynsha oblys aýmaǵynda 300 myń adamnyń qatysýymen 70 tonna qoqys shyǵaryldy.
«Kıeli meken» aptalyǵynda 500-den astam tarıhı-mádenı eskertkish aýmaǵy abattandyryldy.
«Jasyl aımaq» aptalyǵy aǵash kóshetterin otyrǵyzýmen, ekpelerdi aqtaýmen atap ótildi. Onda barlyǵy 16 myń túp aǵash otyrǵyzyldy.
Al «Ónegeli urpaq» aptalyǵy ardagerler men qarttar turtan 150-ge jýyq turǵyn úıdiń aýmaǵy men aýlasy tazartylyp, abattandyryldy, buǵan 15 myń adam tartyldy.
Sońǵy «Móldir bulaq» aptalyǵy barysynda 27 sý aıdyny aýmaǵy - ózen, kólderdiń jaǵasy kúl-qoqystan tazartyldy. Aptalyq barysynda 3 myńǵa jýyq is-shara ótkizilip, 40 tonna kúl-qoqys shyǵaryldy.
«Memleket basshysy Qasym-Jomart Toqaevtyń qoldaýymen elimizde 2024 jyldyń 6 sáýiri men 11 mamyry aralyǵynda «Taza Qazaqstan» respýblıkalyq ekologııalyq aktsııasy ótti. Atalmysh ıgi sharaǵa Aqmola oblysynyń turǵyndary da belsendilik tanytyp, úles qosty», - dedi Іshki saıasat basqarmasynan.
Aıta ketsek, budan buryn Atbasar aýdanynda 2 myńnan astam turǵyn «Taza Qazaqstan» aktsııasyna úles qosqanyn jazǵan edik.
Aktsııaǵa Atbasar elektrovoz jóndeý zaýytynyń, «Atbasar sý» kommýnaldyq kásipornynyń, «Ajdar jáne K» vagon jóndeý kásipornynyń, memlekettik mekemelerdiń, bilim berý jáne densaýlyq saqtaý mekemeleriniń, kommýnaldyq qyzmetterdiń jumysshylary, Atbasar agrarlyq-ındýstrııalyq kolledjiniń ujymy men stýdentteri, Jastar resýrstyq ortalyǵynyń músheleri, eriktiler qatysty.
Eske salaıyq, «Taza Qazaqstan» uzaq merzimdi respýblıkalyq ekologııalyq aktsııasy qala turǵyndarynyń ekologııalyq mádenıetin arttyrýǵa, «Adal adam – Adal eńbek – Adal tabys» tujyrymdamasy negizinde tabıǵatqa, qorshaǵan ortaǵa uqypty qaraýdy nasıhattaýǵa baǵyttalǵan.