Aqmola oblysynda 120 adam júrgizýshi kýáliginen aıyrylatyn boldy

<p>Aqmola oblysynyń prokýratýrasy jol qozǵalysy qaýipsizdigin qamtamasyz etý boıynsha zańdylyqtyń saqtalýyn tekserý barysynda kólik quraldaryn basqarýǵa medıtsınalyq qarsy kórsetkishteri bar adamdarda júrgizýshi kýálikteriniń bolý faktilerin anyqtady, dep habarlaıdy Kazinform QR Bas prokýratýrasynyń baspasóz qyzmetine silteme jasap.&nbsp;</p>

Mysaly, azamat A.-nyń kólik quraldaryn júrgizý quqyǵyna ıe júrgizýshi kýáligi bar.

Bul rette, ol kólik quraldaryn basqarýǵa tyıym salynatyn aýrýyna baılanysty dıspanserlik esepte turady.

Mundaı faktiler birkelki emes, prokýrorlar osyndaı taǵy da 120 faktini anyqtady.

Prokýrorlyq qadaǵalaý aktileri boıynsha atalǵan tulǵalardy kólik quralyn basqarý quqyǵyn toqtatý jóninde sharalar qabyldandy.

Basqa buzýshylyqtar úshin prokýrorlar polıtsııa organdarymen birlesip, jol qozǵalysy erejelerin buzǵany úshin 97 adamdy ákimshilik jaýapkershilikke tartty.

Statıstıka kórsetkendeı, jol-kólik oqıǵalarynyń kópshiligi jyldamdyqty shekten asyryp, qaýipsizdik beldikterin qoldanbaý, kólikti mas kúıinde júrgizý saldarynan oryn alady.

Aqmola oblysynyń prokýratýrasy jol qozǵalysynyń barlyq qatysýshylaryn joldarda saq bolýǵa jáne jol qozǵalysy erejelerin qatań saqtaýǵa shaqyrady.