Aqmola oblysynda talapqa saı salynbaǵan 100 páterli turǵyn úı qoldanýǵa berilgen

<p>KÓKShETAÝ. KAZINFORM &ndash; Aqmola oblysynyń prokýratýrasy tekserý barysynda qurylysy talapqa saı kelmeıtin úıdi paıdalanýǵa berý deregin anyqtady, dep habarlaıdy óńirlik prokýratýranyń <a href="https://www.gov.kz/memleket/entities/prokuratura-akm-obl/press/news/details/686574?lang=kk" target="_blank" rel="noopener">baspasóz</a> qyzmeti.</p>

Baspasóz qyzmetiniń málimetterine qaraǵanda, Kókshetaý qalalyq sotynyń úkimimen 50 mln teńgeden astam qarjy jymqyryp, tapsyrys berýshiniń ókili retinde úıdi qabyldap, merdigerge is júzinde aıaqtalmaǵan jumys úshin aqsha tólegen qurylys basqarmasy bastyǵynyń orynbasary 8 jylǵa, merdiger uıymnyń basshysy 7 jylǵa, sondaı-aq nysan qurylysyna tehnıkalyq qadaǵalaýdy júzege asyrǵan sarapshy 2 jylǵa bas bostandyǵynan aıryldy.

Úkimge Aqmola oblysy prokýratýrasynyń qurylys basqarmasynyń qyzmetin tekserý nátıjeleri negiz boldy.

Osylaısha, atalǵan tulǵalar Şýchınsk qalasynda 50 mln teńgeden astam somaǵa jobalanǵan jobalyq-smetalyq qujattamaǵa sáıke kelmeıtin, ıaǵnı kemshilikteri men aýytqýlary bar 100 páterli turǵyn úıdi paıdalanýǵa qabyldaǵany anyqtady.

Prokýratýranyń tekserý materıaldary tergep-tekserý sybaılas jemqorlyqqa qarsy qyzmetke tapsyrylǵan qylmystyq kodekstiń 189 babynyń 4 bóligi (senip tapsyrylǵan bóten múlikti ıemdenip alý nemese talan-tarajǵa salý) boıynsha sotqa deıingi tergeýdiń biryńǵaı tiziliminde tirkeldi.

Sotta sotttalýshylardyń kinási tolyǵymen dáleldenip, is boıynsha aıyptaý úkimi shyǵaryldy.

Sonymen qatar, úkimge oblys prokýratýrasy narazylyq bildirip, sottalǵandarǵa memlekettik qyzmette qyzmet atqarý quqyǵynan ómir boıyna aıyrý túrinde qosymsha jaza taǵaıyndaldy.