Aqmola oblysy jyl basynan beri 2 mln tonnaǵa jýyq astyq eksporttady

<p>Elimizdegi astyqtyń úshten birin óndiretin Aqmola oblysynda óndirispen birge astyq eksporty damyp keledi. Bıyl astyqtyń shyǵymy tómen bolǵanyna qaramastan oblys jyl basynan beri 1,9 mln tonnadan astam astyq eksporttady, dep habarlaıdy <a href="https://kaz.inform.kz/" target="_blank" rel="noopener">Kazinform.</a>&nbsp;</p>

Oblystyq Aýyl sharýashylyǵy jáne jer qatynastary basqarmasynyń málimetinshe, Aqmola oblysy elimizdegi agrarly óńir sanalady. Respýblıkadaǵy astyqtyń úshten biri Aqmola oblysynda óndiriledi. Jyl saıyn 2-2,5 mıllıon tonna astyq eksportqa shyǵarylady. Aqmolalyq astyq negizinen Reseı, Qytaı, Orta Azııa, Eýropa, Taıaý Shyǵys elderiniń naryǵyna shyǵarylady.

«Bıyl astyqtyń shyǵymy tómen bolǵanyna qaramastan oblys jyl basynan beri 1,9 mln tonnadan astam astyq eksporttady. Budan bólek, elimizdiń ózge oblystaryna 528,2 myń tonna astyq jóneltildi. Oblysta egin oraǵy oıdaǵydaı aıaqtalyp, gektar berekesi 6,4 tsenterden aınalǵanda barlyǵy 3 mıllıon tonnadan astam astyq jınaldy. Qazirgi kezde keler jyldyń qamy úshin 536 myń tonna tuqym qory jasalyp jatyr», – dedi oblystyq Aýyl sharýashylyǵy jáne jer qatynastary basqarmasy basshysynyń orynbasary Erkesh Álenov.

Basqarma basshysy atap ótkendeı, aqmolalyq sharýalar úshin bıyl ońaı bolǵan joq. Kóktemdegi ylǵaldyń azdyǵy, jazdaǵy qurǵashylyq jáne tamyz-qyrkúıek aılaryndaǵy jaýyn-shashyn eginniń bitik shyǵýyna biraz kedergi keltirdi. Sonymen birge, keıikter shaýyp biraz egin taptaldy. Egin oraǵy kezinde jańbyrdan 2 mln 945 myń gektardyń egini kóktep, úlken zalal keldi. Osy qıyndyqtarǵa qaramastan sharýalar egin oraǵy naýqanyn ýaqytyly aıaqtap, bar altyn astyqty shashpaı-tókpeı jınap aldy.

Aıta ketsek, budan buryn Aqmola oblysynda egin oraǵy aıaqtalǵanyn jazǵan edik.