Aqmola oblysy tabıǵı resýrstar jáne tabıǵaty paıdalanýdy retteý basqarmasynyń basshysy taǵaıyndaldy

<p>KÓKShETAÝ.KAZINFORM &mdash; Aqmola oblysy ákiminiń ókimimen Djanet Qanatuly Mıkıshev Aqmola oblysy tabıǵı resýrstar jáne tabıǵaty paıdalanýdy retteý basqarmasynyń basshysy bolyp taǵaıyndaldy.</p>

Djanet Qanatuly 1987 jyly Aqmola oblysy Birjan sal aýdanynda týǵan, bilimi joǵary, Sátbaev atyndaǵy Qazaq ulttyq tehnıkalyq ýnıversıtetin, Frantsııa Respýblıkasynyń Lotarıngııa ýnıversıtetin, L. B. Goncharov atyndaǵy Qazaq avtomobıl-jol ınstıtýtyn bitirgen. QR Prezıdentiniń janyndaǵy Memlekettik basqarý akademııasynyń túlegi.

Eńbek jolyn 2012 jyly Astana qalasynyń «QazQSǴZJI» RMK mamany bolyp bastaǵan.

Taǵaıyndalǵanǵa deıin Astana qalasy QR Ónerkásip jáne qurylys mınıstrliginiń qala qurylysy jáne turǵyn úı-kommýnaldyq saıasat departamenti dırektorynyń orynbasary qyzmetin atqardy.

Eske salaıyq, budan buryn jańadan qurylǵan Alataý qalasyna ákim taǵaıyndaldy.