Aqmola men Kýrgan oblystary əriptestikti damytýǵa ýaǵdalasty

KÓKShETAÝ. QazAqparat - Aqmola oblysynyń əkimi Məlik Myrzalın men RF Kýrgan oblysynyń gýbernatory Alekseı Kokorın Chelıabınsk qalasynda ótip jatqan Qazaqstan men Reseıdiń HІV óńiraralyq yntymaqtastyǵy forýmy aıasynda saýda-ekonomıkalyq, ǵylymı-tehnıkalyq jáne mədenı əriptestikti damytý jónindegi hattamaǵa qol qoıdy, dep habarlaıdy QazAqparat tilshisi.

Aqmola oblysy ákimdiginiń baspasóz qyzmetinen málim etkendeı, taraptar óz quzyretteri sheńberinde aýylsharýashylyq taýarlaryn óndirýshilerge ónimderin saýdalaýǵa, mal tuqymyn asyldandyrýǵa jəne agrotehnologııany damytýǵa qoldaý kórsetpek.

Sonymen qatar taraptar birlesken is-sharalarǵa (jərmeńke, kórme, forým jəne konferentsııalar) atsalysýǵa ýaǵdalasty.
Osy rette, Məlik Myrzalın ekijaqty týrızmdi damytý məselesine kóńil bóldi.

"Aqmola oblysy iri týrıstik ortalyq bolyp sanalady. Biz Reseıden keletin týrıster aǵynyna basymdyq berip otyrmyz. Bizge keletin týrısterdiń 30 paıyzy shekaralas Kýrgan, Omby jəne Túmen oblystarynyń turǵyndary. Kýrgandyqtar úshin esigimiz árdaıym ashyq", - dedi aımaq basshysy.

Sonymen qatar Kýrgan oblysynyń gýbernatory Alekseı Kokorın de saýda-ónerkásiptik jəne əleýmettik saladaǵy yntymaqstyq týraly aıtyp ótti.

"Biz osyǵan deıingi kelisimdi jańartý týraly kelistik. Endi barlyq salalar boıynsha "jol kartasyn" jasaıtyn bolamyz", - dedi Alekseı Kokorın.

Eske sala keteıik, Aqmola men Kýrgan oblystary 5 jyl boıy yntymaqtastyqta jumys istep keledi. Jańa qujat sony nyǵaıtyp qana qoımaı, odan əri damytýǵa múmkindik bermek.

 

Aıta keteıik, búgin Elbasy Nursultan Nazarbaev Qazaqstan men Reseıdiń HІV óńiraralyq yntymaqtastyǵy forýmyna qatysý úshin Chelıabınsk qalasyna keldi .

Sapar aıasynda Memleket basshysy Reseı Prezıdenti Vladımır Pýtınmen kezdesti.