Aqmola ftızıopýlmonologııa ortalyǵynda 79 naýqas koronavırýstan emdelip jatyr

KÓKShETAÝ. QazAqparat - Aqmola oblystyq ftızıopýlmonologııa ortalyǵynyń bólimshesinde 79 naýqas bar, onyń ishinde 12 naýqas aýyr jaǵdaıda jansaqtaý bóliminde jatyr. Bul týraly óńirlik kommýnıkatsııalar qyzmetinde ótken brıfıngte Q.Qurmanbaev atyndaǵy Aqmola oblystyq ftızıopýlmonologııa ortalyǵynyń dırektory Jumabek Mahashev málim etti, dep habarlaıdy QazAqparat tilshisi.

Q.Qurmanbaev atyndaǵy Aqmola oblystyq ftızıopýlmonologııa ortalyǵy - COVID-19 indetine qarsy kúreste aldyńǵy qatarda bolǵan aýrýhanalardyń biri.

Bastapqyda 25 provızorlyq tósek-oryn bolsa, keıin indettiń órshýine baılanysty 135 tósek-oryndyq juqpaly indetke arnalǵan bólimshe bolyp ulǵaıtyldy.

«Búgingi kúni bizde 120 tósek-oryn bar, onyń 5-ýi balalarǵa arnalǵan bolsa, 10-y jansaqtaý bólimshesinde. Bólimshede 86 medıtsına qyzmetkerleri eńbek etýde. Onyń ishinde 8 dáriger, 36 orta jáne 39 kishi medıtsına qyzmetkeri bar. Jyl basynan beri bólimshege 137 naýqas tústi. Olardyń 71 emdelip shyqsa, 8-i kóz jumdy. Búgingi kúni bólimshede 79 naýqas em qabyldaýda, onyń ishinde 12 naýqas aýyr jaǵdaıda jansaqtaý bóliminde jatyr. Bul naýqastardyń 17-i ǵana indetke qarsy ekpe alǵan», - dedi Jumabek Mahashev.

Ortalyq dırektory atap ótkendeı, indetten saýyǵyp shyqqan naýqastardyń densaýlyǵyn qalpyna keltirýge de erekshe kóńil bólinedi.

«Jalpy osy máselege baılanysty 2021 jyldyń mamyr aıynda ortalyǵymyzda COVID-19 indetimen aýyrǵan naýqastarǵa arnalǵan ońaltý bólimshesi ashylyp, jumys istep tur. Onda em alý kýrsy - 10 kún. Bólimshede naýqastardy ońaltý úshin barlyq jaǵdaı jasalǵan», - dep tolyqtyrdy Jumabek Mahashev.