Ákimdikter qarjyny perspektıvti sportshylarǵa bóledi – Serik Sápıev

<p>ASTANA. KAZINFORM &ndash; Ulttyq olımpıada komıteti bas hatshysynyń orynbasary, belgili boksshy Serik Sápıev elimizdegi jasóspirimder sportynyń damýyna qatysty pikir bildirdi.</p>

«Menimshe, másele kadrǵa kelip tireledi, áńgime bapkerler týraly. Nátıjege qol jetkizý úshin sheteldik bapkerlerdi tartyp, olardyń tájirıbesin qoldaný kerek. Olardyń júıeli daıyndyq barysymen bólisýi mańyzdy. Sportshylardyń belgili sport túrine qyzyǵýshylyǵy bala nemese jasóspirim kezinen qalyptasady. Aldymen kadr máselesin sheship alý kerek, bizde bapkerler bar, biraq olardyń biliktiligi jetpeı jatady. Daıyndyqtar úshin sporttyq bazalar jabdyqtalǵan, ókinishke qaraı jasóspirimder sportyna qarjy jetkiliksiz. Jergilikti atqarýshy organdar qarajatty ózin jeńis tuǵyrynan kórsetken, perspektıvti sportshylarǵa bóledi», - dedi Serik Sápıev.

Onyń pikirinshe, jas sportshylardy josparly túrde daıyndasa nátıje bolady.

«Bizde sportqa kóńil bólý boıynsha jasóspirimder ortada. Az ǵana qarjy bóledi, ol az. Sporttyq jarystarǵa qatysý úshin sapaly daıyndyq kerek, onyń artynda qarjylandyrý jatyr. Bul jaǵdaıda demeýshiler qol ushyn sozady», - deıdi ol.

Aıta keteıik, búgin qazaqstandyq sportshylar Kanvon-2024 qysqy jasóspirimder olımpıadasyna attandy.