ASTANA. KAZINFORM - Aqmaral Erekesheva Bolgarııa astanasy Sofııa qalasynda ótip jatqan kórkem gımnastıkadan jasóspirimder arasyndaǵy álem chempıonatynda ekinshi márte altyn medal aldy.
Álem chempıonatynda jekeleı jattyǵýdaǵy fınaldyq kezeńi óz máresine jetti.
Qazaqstandyq gımnastshy Aqmaral Erekesheva týrnırdiń irikteý kezeńinde úsh saıys túrinen fınalǵa joldama alǵan edi. Olardyń barlyǵynda júldeger qatarynan kórindi.
Aqmaral doppen jáne lentamen jattyǵýda altyn medal alsa, sheńbermen jattyǵýda kúmis júldege ıe boldy.
Sondaı-aq, el quramasynan Aıǵanym Rysbek býlavamen jattyǵýda besinshi oryn aldy.
Aıta keteıik, Aqmaral Erekesheva el quramasynan kórkem gımnastıkadan jasóspirimder arasyndaǵy álem chempıonatynda jeńiske jetken sanaýly sportshynyń biri.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.