Aqmaral Álnazarovanyń Senattaǵy ókilettigi toqtatyldy

<p>ASTANA. KAZINFORM - Búgin Senattyń jalpy otyrysynda Aqmaral Álnazarovanyń depýtattyq ókilettigi toqtatyldy.</p>

QR Ortalyq saılaý komıssııasynyń múshesi Shavhat Ótemisov A. Álnazarovanyń basqa qyzmetke aýysýyna oraı onyń depýtattyq ókilettigin merziminen buryn toqtatý týraly usynymdy jarııalady.

Palata otyrysynda senatorlar depýtattyń ókilettigin toqtatý jónindegi qaýly qabyldady.

Budan buryn habarlanǵandaı, jaqynda Memleket basshysynyń Jarlyǵymen Aqmaral Sháripbaıqyzy Álnazarova Qazaqstan Respýblıkasynyń Densaýlyq saqtaý mınıstri laýazymyna taǵaıyndaldy.

Aqmaral Sháripbaıqyzy 1971 jyly Qyzylorda qalasynda týǵan.

Almaty memlekettik medıtsına ınstıtýtyn (1994) «pedıatrııa», Qorqyt ýnıversıtetin (2006) «ekonomıst» mamandyǵy boıynsha bitirgen.

Qazaqstanda da, shetelde de qosymsha oqýdan ótti. Medıtsına ǵylymdarynyń doktory.