Aqmaral Álnazarova óńir ákimderin aýyl dárigerlerin ustap qalýǵa kóbirek aqsha bólýge shaqyrdy

<p>ASTANA. KAZINFORM &ndash; Densaýlyq saqtaý mınıstri Aqmaral Álnazarova óńir ákimderin aýyl dárigerlerin ustap qalýǵa kóbirek aqsha bólýge shaqyrdy.</p>

«Óńir ákimdikterinen jas mamandardyń jetýine monıtorıng júrgizip, jumys jaǵdaılaryna qanshalyqty qanaǵattanatyndaryna taldaý júrgizýdi suraımyz. Sondaı-aq, aýylda kadrlardy ustap qalý úshin jergilikti bıýdjet esebinen áleýmettik qoldaý sharalaryn kúsheıtýdi suraımyz» - dedi vedomstvo basshysy.

Onyń aıtýynsha, eldegi aýyldarǵa qosymsha 1100 maman kerek.

««Aýylda densaýlyq saqtaýdy jańǵyrtý» pılottyq ulttyq jobasynyń aıasynda densaýlyq saqtaý nysandaryna qosymsha 1100 medıtsına qyzmetkeri qajet ekeni aıqyndalǵan. 2023 - 2024 jyldary 152 nysanda 656 medıtsına qyzmetkeri (375 dáriger, 281 orta medıtsına qyzmetkeri) jumysqa ornalastyryldy», - dedi mınıstr.